O ALCALDE TENTA TRASLADAR A RESPONSABILIDADE A DEMARCACIÓN DE COSTAS MENTRES QUE OS INFORMES TÉCNICOS SITUABAN A ORIXE DOS DESPRENDEMENTOS NA DEFICIENTE EXECUCIÓN DO SISTEMA DE DRENAXE DA ESTRADA
Os veciños veñen denunciando desde 2021 a caída de cascotes nos accesos e na cala de Ou Xunqueiro, próximo ao faro de Mera. Ata o momento o alcalde limitouse a botar balóns fóra, sinalando á Demarcación de Costas como responsable, mentres desde Demarcación de Costas responsabilizan ao concello. Os informes técnicos aos que tivo acceso no seu día o Partido Popular de Oleiros apuntaban como orixe do problema á deficiente execución do sistema de drenaxe da estrada.
A situación foi denunciada publicamente polo Partido Popular en numerosas ocasións (a última vez, en febreiro do presente ano). A este respecto, Loli Silva, portavoz do PP no concello, manifestou: “Efectivamente, estamos de acordo en que nos atopamos #ante un risco serio de esborralle.
Os grupos da oposición levan denunciando este feito desde o día que ocorreu, e é curioso que o alcalde se acorde agora, tras a tempada de verán, de retomar este tema, despois de expoñer a bañistas e visitantes a semellante risco ao longo destes meses”.
E engadiu posteriormente a portavoz Popular: “Indubidablemente, os episodios de choivas intensas que se están rexistrando estes últimos días incrementan o risco de desprendementos, sobre todo se as contornas foron artificialmente manipulados, como xa ocorreu tamén nas Galeras. Desde o Partido Popular de Oleiros opinamos que resulta inaprazable unha revisión urxente de todas as zonas de risco e realizar un seguimento adecuado, considerando os cambios climatolóxicos que se aproximan coa chegada do outono. Aproveitamos desde aquí, unha vez máis, para lembrar a necesidade de controlar árbores e ramas.
Calquera día vai haber unha desgraza.”
O alcalde pon en marcha a súa habitual estratexia en que a mellor defensa é un bo ataque e utiliza O Xunqueiro para distraer así a atención das novas inundacións en Santa Cruz, as cales son inexplicables se nos atemos a que o sistema de canalizacións debería impedir que chegasen a ocorrer.
Por iso, estes episodios só débense ao deixamento e incompetencia municipal.
“Doutra banda, desde o Partido Popular de Oleiros esiximos ao alcalde que deixe de xogar co asunto. Sostivo desde o principio que era competencia de Demarcación de Costas e anunciou hai xa un ano que interpoñería unha querela contra Demarcación de Costas e aínda non o fixo. Unha vez máis, preguntaremos en Pleno por este tema”, concluíu a portavoz popular, Loli Silva.
